ممكن نتعرف !!!!!

انا سجلت بالمنتدى باسمي الحقيقي يعني اسمي طارق

واسمي إلو معنيين -1- طارق الباب
-2-النجم الثاقب متل ما انذكر بالقرأن الكريم

طبعاً المعنى التاني هو الاحلى واللي أكيد أهلي سموني بالنسبة لألو

بالبداية الموضوع حلو و جريء



انا اكيد اسمي متل ما هو لان ما بحب فوت باسم مستعار عالمنتديات انا اسمي {حيدره} اما ابو المجد فهو لقبي لان بحب هالاسم وتيمناً برفيق طفولتي

اسمي: معناتو الحرفي ممنوع وأول من سمي بهذا الاسم(( الإمام علي بن أبي طالب كرم الله وجهه)) بحيث ان والدته ((فاطمة بنت أسد كرم الله وجهها)) اسمته

بهذا الاسم تيمناً باسم والدها أسد

بالنسبة لاسم تميم اكيد مو هيدا اسمي الحقيقي لاني برايي بعالم النت الواحد مالازميعطي اسمو الحقيقي سواء كان شب او بنت لانو اذا في عشرين شخص كويسين فاكيد في مليون وانا بعتبر الشخص هوي انو اهميته تكمن في عطاؤه انشالله قدم لهالمنتدي كل شي كويس والاسم مو مهم بقدر مو روح الشخص الموجود هيي المهمة

اسمي متل ماهو ديمة وبما أن عنا صديقة اسما ديمةومشكورة شرحت معنى الاسم فما رح عيد بس حبيت شارك بالموضوع لأن عجبني
وأنا بحب اسمي كتير وفيي منو كتييير ولهيك دائما وبأي موقع باختار عرف عن نفسي في وخاصة أني مابحب الأسماء المستعارة(مع احترامي لجميع الآراء)
 

تحية للكل اسمي اللي استخدمتو حقيقي
معناه قد لا يعجز عن معرفته احد و هو اسم آخر للرسول محمد
أما22 فهوي الرقم اللي استخدمتو في ايميللي لاستكمال الاسم وكانت أول مرة بستخدم الانترنت

وإن لكل امرئ من اسمه نصيب

انا اسمي معروف ولا يحتاج الى شرح

وانا حبيت علق ع الموضوع لاسباب التالية :

لاش كل واحد منكم كاتبو اسمو باللغة الانكيزية هل تراه السبب ان اللغة العربية اصبحت لغة يعاب الكتابة بها

اما السبب هو المحاولة البائسة لتقليد الغرب

ام تراه لانو لازم نكتب

انا بعرف رح تقولو انا لغة العصر والتكنلوجيا

وانا بقلكم انو بداية ترك الهوية العربية

رح تقولو انو عظمت الموضوع شو وافسدت عليكم ها الفرحة

بس عندي سؤال لكل واحد رد ع الموضوع

شو كان شعوركم وانتم تكتبون معنى اسمائكم

هل توصلتم الى المعنى باللغة العربية ام الانكليزية



هيك انا ومبسوط لاني هيك

اعذروني..........

مرحبا محمود كتيييييييييييير حلوة غيرتك علغتك وبلدك وبهنيك والصراحة أنا ماكنت بعرف أنو ممكن نكتب الأسماء بالعربي وإلا اكيد كنت كتبتو بالعربية بس مافينا ننكر أهمية معرفة لغة تانية تحية كبيرة مني

انا شاكر لك لهذا التعليق وكنت متأكد من وجود شخص ما عندو هذه الروح


اكيد انا مع انو الواحد يتعلم مو بس لغة وانما قد مافيه

بس اكيد مو ع حساب اللغة الام (لغة الضاض)

مع تحياتي........

أنا اخترت اسم zooom بدون سبب بس حسيت انو أسم ما بيعبر عن شب أو بنت بالتحديد لأنو ما كنت بعرف شي عن المنتدى والاعضاء يللي فيه بس هلق ما عندي مشكلة لو حطيت اسمي الحقيقي بعد ما شفت أديه المنتدى محترم ومفيد وأعضاءه كلون وبدون أستثناء بيجننو وبهلمناسبة بحب أشكر الزميل agreculture لأنو نزل برنامج السنة الأولى بالمنتدى مع انو هو مو سنة اولى وهادا دليل على انو مهتم بالمنتدى وبكل الزملاء الي فيه

مرحبا......وأنا كمان انتبهت لهالشغلة.....شو هاد ممكن نتعرف!!!!!
أنا مثلا بكتب اسمي دج.....عادي رنيم وقامت وخلصت
عنجد ملاحظة مميزة
شكرا زملاء

انا طبعا اخترت اسم اعصار بيتش _طبعا مانو اسمي الحقيقي_ اعصار بيتش معناه واضح , اعصار معروف المعنى , وبيتش هو كلمة انكليزية ايضا" معروفة , اما لماذا اخترت هذا الاسم , والاعصار هو "الحركة العنيفة والمتغيرة "التي تغير وتزيل الكثير من الاشياء التي تصادفها في طريقها ,وفي الحقيقة انا احب التغير والتجديد في كل شيء في الحياة , ولم اجد افضل من هذا الاسم لكي يعبر ولو بشكل بسيط عن رغباتي , وبالمقابل ابتعدت عن الاسماء النمطية التقليدية والمثالية سواء كانت عاطفية او رومانسية ........................., وشكرا.