معلومات مفيدة للسنة الأولى

الى زملاء كلية الزراعة السنة الاولى...
يمكن انتو جداد وما بتعرفوا بقوانين الجامعة...
في قانون بيتطبق بكلية الزراعة وهو انه الطلاب لازم يداوموا بشكل اجباري بالعملي...واقصى حد للغياب هو 20% واذا غاب الطالب اكتر من هيك الاستاذ بيحرمه من الامتحان النظري، وما في قوة بتخليه يقدم الامتحان النظري.
بالمناسبة...حتى التقرير الطبي غير مقبول بالجامعة...
هي معلومات لالكم بالسنة الاولى...لانه اللي ما بيعرفها ممكن يروح السنة بدون ما يحس.
كمان..كلنا اول سنة بالجامعة كنا نفكر بانه خلص وصلنا ع الجامعة وما حدا قدنا ولا عاد في دراسة ولا انضباط...الواقع يا زملاء غير هيك بالمرّة
لانه اذا ما حضرت المحاضرات النظري...وما تابعت العملي بجدية...رح تضيعوا السنة من ايدكم...
صدقوني...هل كلام من تجارب طلبات السنوات اللي قبلكم...
مع تحياتي

عن جد زميلة التقرير الطبي ما بفيد ؟ يعني اذا الواحد لطشتو سيارة عند باب الجامعة وقعد أسبوع بالمشفى بيعتبروها غياب غير مبرر ؟ شو الغياب المبرر بهالحالة ؟ الموت مثلا ؟ أو يمكن الشلل ......

يعطيكي العافية زميلة La belle
وانا معك بحكيك بانسبة للدوام ...انتبهو منيح يا طلاب السنة الاولى

king

Agriculture

بالنسبة للتقرير
أنا معلوماتي غير هيك
بظن أنو حسب كل دكتور وتعاطفو مع الطالب
بس إذا حطو طالب براسون بيحرموا
والنقطة التانية الحرمان بالنظري مابيعتمد على الغياب فقط
فلازم يحصل الطالب على علامة لا تقل عن نسبة محددة يمكن 12من 40 حتى يتقدم على الأمتحان النظري

خلينا نحكي بالموضوع بوضوح وما نظلم الدكاترة....
في شرطين بقانون الجامعة لحتى يقدر الطالب يقدم الامتحان النظري:
1- انه ما يكون غيابه اكتر من 20% (والبعض بيطلبها كمان بالنظري، وهي هيك بالقانون)
2- انه ياخد الطالب 1/3 علامة العملي ، يعني 13,5/40.
بالقانون التقرير الطبي لا يبرر الغياب...لانه متروك 20% للحالات الاضطرارية والمرضية ممكن يستفيد منها الطلاب ..وما حدا بيقدر يجبر الاستاذ ع انه يبرر له غيابه للطالب.والاساس فيها بانه اذا كان الغياب اكتر من 20% بيكون جزء كبير من المعلومات نقصه ..مشان هيك لا يقبل التقرير...
بس عن جد..لحتى نحكي ضميرنا...الاساتذة لما بيكون الطالب فعلا عنده وضع صحي...والطالب كويس وملتزم...بتفاعلوا معه وبيبرروا لو غيابه ، وبيساعدوه...وباخدوها على مسؤليتهم.
نادرين الدكاترة اللئيمين .
انا كان عندي رفيقة......صار عندها وضع صحي بوقت مذاكرات.. والدكاترة برروا لها غيابها وحتى عادوا لها المذاكرات...وعن جد انا شفت اكتر من مثال ادامي...
فرجاء زملائنا لا تخوفوا طلاب السنة الاولى بدون داعي....
لازم يعرفوا بانن لازم يشتغلوا ويلتزموا ...والدكاترة رح يساعدوهم اذا صدقوهم...
انا حكيت لخلص ضميري...يا زملاء في عندنا دكاترة رائعين...وفي دكاترة وسط ..وفي دكاترة سيئين...وكمان في طلاب رائعين...وفي طلاب وسط وفي طلاب سيئين وما بينعطوا وش...
ما تخافوا يا طلاب السنة الاولى...وانتو رح تحكموا بانفسكم...
مع تحياتي

» معلومات مفيدة
» معلومات مفيدة
» معلومات مفيدة
» المواد اللي نزلت للسنة الاولى لحد اليوم
» تصويت جديد