ففي النهاية هم نساء

قالت إحدى الساحرات لرجل وزوجته: لكونكما من افضل الزوجين وقضيتما معا ما يقارب الـ 35 عاما، فإني سأهب لكل واحد منكما أمنية لأحققها له.

قالت الزوجة:
انا أتمنى أي أسافر حول العالم مع زوجي العزيز دون أن نفترق.

حركت الساحرة عصاها بشكل دائري مرددة " أبرا كدابرا أبرا كدابرا, أبرا كدابرا" فظهرت تذكرتين للسفر حول العالم وضعتها في يد الزوجة.

جاء دور الزوج الذي جلس يفكر ثم قال:
هذه لحظة رومانسية, لكن الفرصة لا تأتي إلا مرة واحدة في العمر, ........ آسف حبيبتي، لكن أمنيتي أن أتزوج امرأة تصغرني بـ 30 عاما.

شعرت الزوجة بغصة في حلقها وبطعنة سيف في قلبها وبدت
خيبة الأمل على وجهها, لكن الأمنية أمنية.

حركت الساحرة عصاها بشكل دائري مرددة " أبرا كدابرا أبرا كدابرا, أبرا كدابرا"
فجأة أصبح عمر الزوج 90 عاما



قد يعتقد بعض الرجال أنهم أذكياء ولكنهم ينسون أن الساحرات في النهاية هم نساء
اخوتي واخواتي العبرة من القصة ليس ضحكة
لكن السؤال
الاتعتقد ان النساء دائما متعاطفين مع بعض
ولا شو رأيكم ؟؟؟؟؟؟؟؟؟؟؟

بشكل عام انا برايي انو النساء اغلبهون بيتعاطفو مع بعض وخصوصا ضد الرجال
بس بهي القصة اكيد الساحرة معها حق تتعاطف مع الزوجة
هيدا رأيي الشخصي
شو رايكن زملاء؟؟؟؟؟؟؟؟؟؟
Agriculture

بعتقد انو تحالف النساء بيجي اما عن ضعف او عن قوة و بالحالتين الله يسترنا

الشباب ما بيتضامنوا الا بحالة وحدة اذا كانت البنت زاعجة التنين
اما بشكل عام فللمراة القدرة انو اتدمر حيالله تحالف مهما كان وياما بنات دمروا صداقات بين شباب عمرا سنين
لهيك انا بعتقد انو الشباب لما بيتضامنوا اعرفوا انو في هدف

بدي اعرف مين بيظن ان المراة ضلع قاصر انا بشوفها اخذت تلات ارباع المجتمع لسا بتطالب بالربع الباقي بدي اعرف لوين بدكن توصلوا

مع أنو الوقت كتير متأخر للرد على هذا الموضوع , بس بدي اسألك يا زميل assa أنت شو زاعجك بالموضوع , يعني لو ما النساء بيتضامنو مع بعض وبوقفو مع بعض يا حزرك مين بيهتم لأمرهن أو بفكر فيهن ولا بمشاعرهن وخاصة انو نحنا بمجتمع شرقي وما بحط الحق عالرجل لو شو ما صار . وعلى فكرة انت بتكيل بمكيالين متل ما بقولو يعني لأنك شب عم تحكي هالحكي بس لو كنت بنت كنت بتحس بمعاناتنا . أنا ما عم قول أنو كل البنات مظلومين أو كل البنات كويسين , فيه بنات بتمنى ينمحوا عن وجه الأرض , بس انت عم تحكي بشكل عام و كأنو كل نساء العالم عندن نفس الظروف , بتمنى تفكر بمنطق مختلف غير هالمنطق اللي عم يخليك رجل شرقي بامتياز.بعدين بالنسبة للبنت اللي عم تدمر صداقة بين اتنين , انت بتعتقد أنو الحق عالبنت ؟طيب لو كانت صداقهم قوية أو حتى لو كانو أصدقاء عن جد ما كانو بيسمحولها تدخل بحياتهم وتخرب رفقتهم .