طير الفينيق

موضوع: طير الفينيق الخميس يونيو 23, 2011 6:31 am

طير الفينيق

متلك يا طير الفينيق متلك
كنا وبعدنا ورح نضل متلك
لو كترت الضربات ولواشتدت الاهات
كنا وبعدنا ورح نضل متلك

من هون في وعد ابتدى من كل بيت بهالبلد
في صوت عم يحكي الك مع كل نسمة من فوق موجات البحر
موال من قلب الصخر محفور اسمك بكل صدر

من الشام الحكاية ابتدت
يا شام ..يا شامة ع خد الوطن ..يا شامة ع خد الزمن
يا أرض الله ميزك يا خير يا احلى وطن
قاسيون ما تهزو المحن
يا شام ما متلك حدا
التاريخ بردد صدا من يوم ما الكون ابتدى
جنة الرب ع الارض الله ابدعا
نحنا الشام ..وحور الشام ...وياسمين الشام
ياما مرق ع سوريا كتير ..مملوك وامير
ما حنينا هامة للشام ..
بالحق المنصان الغالي بالسيف المسنون العالي
بقينا نحنا وراح الغير
نحنا سيف بكفك وبعرس بلادك نحنا دفك
ولالي يا سوريا لالي ....

يا جنوب ييلادي سهل والجبل غافي ومتكي
يا صوت بالوادي همس والصوت بردد صدى
الجولان ينده يا هلي ما بدل بلادي بحدا
مجدل شمس متل العريس تسمع حدا صوت وصدى
بوجود بشار الامل ياسيف بوجه العدا
صار الجبل يهتف فخر
صار السهل ينشد شعر
وكرم العنب يعصر عسل
صار الولد يضحك فرح
ودموع امي من الفرح تغسل هموم الي مضت
صرنا حبك يا وطن مجبول بخيوط القلب
وحدة شعب وحدة قلب
صرنا انت وحدك انت ابن الشعب

لوتسمع يا خيي النحل كيف ليل نهار بيشتغل
متل الناعورة كله فرح
مياتها وحباتها جاي ترتاح وتفترش من كتر التعب
متل الناعورة صوتها يغني طرب
وفلاح عم يزرع فرح وحجار بيتو السود عم تعمل عرس
وبتدمر التاريخ لو يحكي الحجر
عواميدها بتسلسل وجود البشر
وتحكي حكايا وتشهد زنوبيا كيف يركع الطاغي وينكسر
من ريحة التاريخ بعدها فيها بتردد وبتعيد
عاصي على الطغيان ..عاصي على العدوان
يا عاصي يا وجه الخير شو حامل معك
ضربات او هبات ما بتوجعك
عاصي لانك خير الله ابدعك

عن حلب والشمال شو كتر ياخيو الحكي
نبع الطرب والصوت الله ابدعو
شهبا واصيل والفن خلق لكي
ومن ادلب الزيتونن عم يعصر فرح
من فوق جبل الاربعين تحكي حقب
تشهد عليها ابلا ولو طال الشرح
من سور قلعة غافية بعمر الزمن
من لون تربة صافية كلها وطن
من ريحة سهول القمح
من قلوب بلون الملح
جينا يا وجه الخير نغني للصبح

وانت يا تهر الخير شو حامل معك
فيك الامل للناس الله ابدعك
فرات او خابور او كلن سوا
ايات الله بهالدني ما اكرمك
يا سهول كل الخير من قمح وقطن
يا نهر غافي بهالسهل والسد حدك مرتكي
جامع بحضنو خير ببحيرة بطل
حامل لكل الخير لكل الوطن
حامل معو حكايات بضوي العتم

رد البحر من صبرك ولا مال
على حبك كان صايب ولا مال
وبعدك سوريا ما في دنيا ولا مال
حماك رافع سماكي اميال
يا ترى بصير ينقال الشعر بدون نسمات بحر
من لون عيون زرق من صدى ضحكات ع مفرق طرق
تشهد على التاريخ يحكيها
ارواد حفنة ترابها وفخارها معجون بدموع الفرح
من الليل حتى يطلع الصبح بضل شبابيكها منورة
طرطوس مناديل بيضا للامل
قالت ما بدي ارتاح خلص العتم
وبين فوق جبالنا انو الفرح جاي مع الامل لولادنا
جاي الصبح

من هون اول ابجدية بتنحكا
من هون اول صوت موسيقي اشتكا
من هون اول حرف عم يكتب شعر
عم يكتب خير لكل البشر
يا لاذقية يا غافية على كتف البحر
ممدودة على دراع الجبل
تسمع صهيل الخيل عم تنده تعي
يا لادقية فيك العيد قومي تسمعي
والبطل يلي ع ضهر الخيل غاب وما رجع
باقي بعد في متلو بهالدار سبع
بيتك يا حافظ ما يوم من فارس خلي
عروس يا بلادي الك فارس ابن فرسان جاي يدللك
جاي الك بشار قومي هللي

هون بعرينك ليك كيف تجمعوا
يا صوت قد الدنيا قومو اتسمعوا
من هون ليك البحر عم يهدر نغم
بيجاوبو صخر الجبل بيحكي معو
بالشام في نسمات بتبتسم
تسال سل حوران تنده ع الجولان
ليش تجمعوا
شهبا يا لون القطن شو جايب معك
صوت الفرات بعيد طالع يسالو
يا رب تحفظ البشار لكل الوطن
بسمة امل بطعمها الحلو

جينا يا وجه الحق والحق بينسمع
ننشد رجاء كبير بجودك طلع
جينا يا وعد الخير والوعد انكتب
دربك معك لبعيد بدنا انكملو

موضوع: رد: طير الفينيق السبت يونيو 25, 2011 5:22 am

تسلم ايدك يا كنان
يعطيك العافة