بداية الدوام

Hapy new year عالكل وسنة جديدة كلها نشاط
صحيح الدوام ببلش يوم الأحد بس بما إنو عيد الفطر السعيد قادم بعد كم يوم وبما إنو الدنيا صيام فما رح يكون في دوام فعلي
يعني تسجيل حضور عملي وبس.
وفي عندي سؤال صحيح رح يتغير عميد الكلية (د.سمير جراد) لأنو مع احترامي إلو بس "ما خرجو"
يعني كل شي وعدنا فيه طلع حكي بحكي.
وهنا أقول وا يعقوباااااااااااااااااه (المقصود د.غسان يعقوب) وشكرا
سلام

صحيح لحد هلق ما عرفت شو اختصيت

لاني من منطقة بعيدة

بس مو مشكلة بعد العيد بعرف


بس لاش دائما الدوام ببلش بكير بكليتنا


بعدين اسلوب مهاجمة الدكاترة وحط الحق عليهم دائما هو اسلوب الفاشلين

اعذروني لصراحتي

وبتمنا سنة جيدة للجميع



الحل دائما ينطلق منا

كل عام وإنتو بألف خير و مرتاحين مامعكون ولا مادة شايلينا على سنة الجديدة
على بداية هل سنة أنا سمعت كلام غير هيك اسمعت إنو كلية الزراعة رجعت أربع سنين وما بقى صارت هندسة صارو يقبلو يلي جايب 180 هل سنة
بصراحة أنا هيك اسمعت من عالم بيشتغلو بالجامعة ما بعرف إذا صحيح أو غلط
يلي عندو أي معلومة حول هل شي يفيدني
وشكراااا

نحنا كنا بمعسكر التدريب الجامعي هي السنة وشرفنا الدكتور سمير بزيارة مشان يشوف مشاكلنا ويسمع اقتراحاتنا
ونحنا منشكرو بقصة نشر النتائج الإمتحانية على موقع الجامعة الرسمي ,مع العلم انها بتصدر بعد عدة أيام من وجودها على اللوحات الإعلانية بس معذورين.
المهم الدكتور سمير بالسنة الماضية (حسب كلام الزملاء) وعد بحل مشاكل كتيرة منها:
-النظر في مشكلة تزايد عدد الراسبين في مادة الإقتصاد العام.
-استبدال عدد كبير من المجاهر المعطلة في المخابر.
-السماح بتنزيل أكثر من مادتين للمترفع فصليا من دون أي مادة من السنة السابقة.
-تخفيض عدد الدكاترة المسؤولين عن مادة واحدة مثال: الجيولوجيا والمحاصيل.
-النظر في بعض مواد العملي اللي ما دخلها بشيء اسمو عملي مثال: المحاصيل (يعني كل الجلسة قاعدين عم نكتب ورا الدكتور نسخ)
وغيرو مع العلم إنو الدكتور غسان يعقوب وعد ووفا
وهوي كان المسؤول عن تغيير علامة العملي (40 بدل 30) ,انا عم قارن مو عم هاجم بعدين صح الطلاب بيحطوا الحق على الدكاترة بشكل مبالغ فيه بس كمان
معهن الطلاب حق في بعض الحالات وهاد المنتدى هوي فرصتنا حتى نعبر ونفضفض يا زملاء.

سلام