كلية أم هندسة

ايمتا بدنا تنحل قصتنا

بيجي الطالب بدو يسجل بمفاضلة البكلوريا فبشوف وبلاحظ بأم عينه مكتوب: كلية الزراعة مو هندسة الزراعة

فبيتشائم من هالفرع

واذا طلعتلو بالمفاضلة التانية فبدو يسجل بكل بساطة ولما بيروح ليتعرف عموقع هندستو الجميلة فبيدور عهندستو المزعومة وفعلاً ما بيلاقي

ولا ربع لافته بكلية تشرين كلها بتدلو عالهندسة كلو كلية كلية كلية كلية


بعدين شباب اتطلعوا عالكتب ولا كتب بينحط علية كلمة هندسة



وايمتا بتكمل معنا لما بيحطو راسن براسنا <كلية التربية والاقتصاد والاّداب> وبيتفلسفوا وبيقولوا انتو كلية متلكن متلنا


فيّا بؤساه الى واقعنا الاليم ومتى ستنحل قصتنا
ا

شو بدك بكلية الأداب او التجارة
وحياتك بكرا بمصدقة التخرج بيكتبو المهندس أبو المجد

يعني واذا ما فيه كلمة هندسة عالكتاب..شو نقص من مقداره .. شقفة .. شقفتين .. لا تحط ببالك بالاخر متل ما حكى ربيع .. مهندس متلك متل غيرك..
بعدين شو هي ما رح يعرف وين الكلية.. ليش الطالب لما فاضل و طلعلو زراعة شو كتب اسمها .. كلية الزراعة ولا هندسة .. ومتل ما كتب بالمفاضلة اسم الكلية
بيدور على اسمها باللوحات .. وما بيضيع ..
طيب واذا سايرنا التربية والاداب ومشي الحال .. شو رح ينكتب على شهادتك .. مهندس .. وهنن شو .. خريج كلية التربية مثلا .. قسم كذا... وهيك .. رح ينكتب
شي.. دكتور أو مهندس .. وبالاخر ما بيصح الا الصحيح .. ونحنا اللي رح نضحك بالاخر .. ما هيك ..

كمان فيه شغلة بحب اني اذكرها .. اذا نحنا طلاب كلية الزراعة عم نقنع أنفسنا باننا ما منكون هندسة إلا اذا كتبوا على الحيط ..
كلية الهندسة الزراعية..
فبدنا كتيييييييييييير وقت حتى نطور حالنا ...

هندسة او موهندسة برايي مو هيدا هوي الموضوع الاهم هوي انت شو؟
شو فينك تقدم لنفسك بهيدا المجال ؟فينك تنجح فيه؟القصة ياجماعة انو لازم نقتنع انو مافينا نصير كلنا دكاترة وصيدلانيين اختصاص الزراعة حلو بس مافي امكانيات من الكلية او الدولة كافية لحتى يتطور هالفرع اللي هوي اهم من اي فرع تاني بسوريا