أول شي مرحبا للجميع وأهلين بالأعضاء الجدد ..
ومن بعد السلام منحكي .. مو هيك..
أنا بعتذر كتير كتير عالانقطاع الطويل اللي صار .. طبعا لأسباب تقنية .. وشوية ظروف خارجة عن السيطرة ..
أما بالنسبة لعلم الكيان الصهيوني .. متل ما بتعرفوا منتدانا هاد عبارة عن مساحة مأخودة من محرك بحث (3arabiyate) ولما أنشأت الموقع كان الشرط الوحيد
انو ياخدو مساحة شريط واحد إعلاني أعلى الصفحات وشريط تاني كمان إعلاني باخر الصفحات .. وعلى هالاساس تم انشاء الموقع .. والشركة الراعية للموقع
أو محرك البحث هاد يحق له إعلان ما يشاء ضمن المساحة اللي حاجزها..
أنا لما شفت كلمة (علم الكيان الصهيوني عم يرفرف فوق صفحاتنا ) بصراحة انزعجت كتير وفكرت واحد من الأعضاء اللي ما إلو علاقة بالعضوية منزلو ..
بس لما اكتشفت الموضوع شفتو عادي .. مو من باب انو ما فارقة معي .. لاء .. نحنا كلنا منحب ونا ومنفديه بروحنا .. بس في شي بالحياة وبلا فلسفة اسمو
(اذا أعطيت الشيء أهمية صار مهما ) مقولة قديمة جدا .. بينما أنا فوت واطلع مية مرة عالمنتدى ما رح انتبه انو فيه هيك شغلة ..
بعدين ماشي حاول يا ثلج نيسان تشوف الموضوع معي من ناحية تانية .. انو لو تعلمنا اللغة العبرية .. وانطلب مننا نساعد أهلنا بترجمة ولو جزء صغير من اللي عم
يفكروا فيه الصهاينة .. ما منكون بهالحالة عم نفيد بلدنا .. كمان شوف الموضوع معي من ناحية تالتة .. انت وانا وكل واحد بيعرف انو الانترنت بسوريا مراقب
وكل خط بكل مكان مراقب من قبل جهات مختصة .. يعني برأيك لو انو فعلا معنى هالعلم اللي فوق متل ما متصوروا أكيد وبدون تردد كانت شركة عربيتي تسكرت
وكان كل موقع تابع الها تسكر وانسحبت خطوطها من سوريا فورا .. ومنها موقعنا هاد .. فاذا لاتشغل بالك بالمرة واعتبر العلم ما موجود وكأنه ما نوجد ..
فكر بوجهات النظر اللي طرحتا وبغيرها كمان وانشاالله ما بيصير غير كل خير ... وكون واثق اني بأيد كل حرف حكيتوا وأنا معك انت و علوش ..
بس لازم ما نحصر تفكيرنا بجهة وحدة .. ونعصب ونكسر الدنيا .. طول بالك وخليك مروق .. ما في شي مستاهل..
وبالنسبة لقسم النتائج الامتحانية تعرقلت الأمور شوي لهيك رح اسحب القسم من الصفحة منشان ما يضل فاضي .. وانشاالله عالسنة الجديدة بيصير خير ..
وبالنهاية أنا كتير بعتذر عالتأخير وانشاالله ما بطول المرة الجاي ..
بشوفكن بخير
